وجع اتحول لقوة … بقلم/نشأت البسيوني

كان زماني غير دلوقتي خالص كنت بصدق كل الناس وبدي من قلبي وبفتكر إن الطيبه بتكسب في الآخر وإن الحب بيغلب أي وجع بس للأسف الوجع غلب كل حاجه كنت دايما أقول إن الجرح بيعلم بس ماكنتش عارف إنه هيعلمني بالطريقه دي الوجع دخل حياتي من أوسع أبوابها دخل في صوره ناس كنت بحسبهم سندي في صوره حب كنت شايف فيه الأمان في صوره أصحاب كنت بضحك معاهم من قلبي وفجأه لقيتهم سبب وجعي الأكبر بس تعرف الوجع ماكسّرنيش بالعكس هو اللي خلاني أقف على رجلي من تاني خدني من ضعف كنت فيه ورماني في حضن قوه عمري ما كنت أعرف إني أملكها الوجع خلاني أتعلم أضحك وأنا موجوع أتكلم وأنا مخنوق وأقف وأنا واقع من جوه الوجع علمني إن مفيش حد يستاهل دموعك غير أمك وإن اللي بيسيبك في وقتك الصعب ما يرجعش له تاني حتى لو الدنيا كلها قالتلك سامحه كنت كل مره أتوجع وأقول خلاص المره دي كسرتني بس كل مره كنت أرجع أقف وأقول أنا لسه هنا لما الدنيا كانت بتقفل ف وشي كنت أنا اللي بفتح باب من الهوا أتنفس وأكمل اتعلمت إن القوّه مش في إنك ما تتوجعش القوه في إنك تتوجع وتكمل زمان كنت بسيب الناس تمشي وأنا بتألم دلوقتي بسيبهم وأنا مبتسم لأني عرفت إن اللي مش شايف قيمتك النهارده هيفضل يدور على زيك طول عمره ومش هيلاقي الوجع خلاني أحب نفسي أكتر خلاني أعرف قيمتي وأعرف حدودي وأعرف مين يستحق يدخل حياتي ومين لأ كنت بتعامل بنيه صافيه واتلدغت كتير بس مع كل لدغه كنت أقول مش هقفل قلبي دلوقتي قلبي لسه مفتوح بس بيفكر قبل ما يدي مش كل الناس تستحق تبقى جواه ومش كل اللي يضحكلك بيحبك الوجع بصراحه خلاني أقرأ الناس من نظره أعرف اللي جاي يستغلك واللي جاي يحبك بصدق بقيت لما أتوجع ما أشتكيش بقعد مع نفسي أسمع وجعي وأحضنه وأطلع منه درس جديد بقوله أنا مش ضعيف أنا بس اتعلمت متأخر اتعلمت إن اللي بيخسرك مش بيكسب وإن اللي بيكسر قلبك هو اللي في الآخر هيتمنى يكون مكانك الوجع عمل فيا اللي مافيش كلام يوصفه بس والله أنا ممتن لكل لحظه وجعتني لأنها كانت السبب إني بقيت الشخص اللي أنا عليه دلوقتي اتعلمت إن محدش بيقوى من فراغ القوه الحقيقه بتتولد من الرماد من الكسر من الوجع من اللحظه اللي كنت فيها بتعيط لوحدك ومحدش سمعك بس قمت بعدها ومسحت دموعك وقلت كفايه ضعف دلوقتي لما حد يوجعني مابقعدش ألومه ولا أعاتبه كتير بضحك وبقول اللي يقدر يوجعني النهارده كان لازم يعرف إني بكرا هكون أقوى بسببه أنا ما بقيتش الشخص اللي بينكسر أنا بقيت الشخص اللي بيحول الكسرة لبدايه جديده الوجع خلاني أعرف أختار خلاني أعيش بقناعتي ما بقتش أستنى تقدير من حد ولا تصفيق من بشر أنا بتعلم أصفق لنفسي لما أعدي من حاجه كانت ممكن تكسرني الوجع خلاني أقف قدام المرايه وأقول أنا فخور بيا رغم كل اللي حصل واللي كان فاكرني هشيله طول العمر اتعلم إن اللي بيحمل الكل في يوم بيقرر يحمل نفسه بس واللي كان بيستهون بوجعي اتعلم إن الوجع ده هو اللي خلاني جبل ما يهزش ريح ولا تهده خيانه ولا تكسره خساره الوجع مش دايم بس أثره هو اللي بيعيش جواك يفضل يعلمك ويكونك لحد ما تبقى نسخه أقوى من نفسك القديمه فـلما حد يقولك اتغيرت قوله أيوه اتغيرت الوجع علمني أعيش من غير ما أتوجع تاني.